$ 456.56 € 530.52 ₽ 5.28

Қытайға сапарлайтындар нені білуі керек: 15 қыркүйектен бастап жаңа тәртіп күшіне енеді

Абдрахманов Мағжан
07 қыркүйек 2026, 11:45
Қытайға сапарлайтындар нені білуі керек: 15 қыркүйектен бастап жаңа тәртіп күшіне енеді Сурет авторы: 24kz/ ЖИ

2026 жылғы 15 қыркүйектен бастап Қытайда елге кіру және елден шығу тәртібі жаңарады. Осыған байланысты Қытайға ұшатын және елден қайтатын жолаушыларға әуежайға кемінде үш сағат бұрын келу ұсынылды, деп хабарлады FlyArystan.

Әуекомпанияның мәліметінше, жаңа тәртіп күшіне енгеннен кейін көші-қон бақылауы кезінде жолаушылардың құжаттарын тексеру әдеттегіден ұзағырақ уақыт алуы мүмкін.

Сондықтан Қытайға баратын немесе ол елден ұшып шығатын жолаушылар сапар алдында төлқұжатының жарамдылық мерзімін және өзге де қажетті құжаттарын тексеруі керек. Сондай-ақ Қытайға кіру және елден шығудың қолданыстағы талаптарымен алдын ала танысу ұсынылады.

Жолаушыларға барлық тексеруден өтуге жеткілікті уақыт болуы үшін әуежайға ұшақ ұшардан кемінде үш сағат бұрын келген жөн.

Әуекомпания Қазақстан мен Қытай арасында визасыз тәртіп бар екенін еске салды. Қазақстан азаматтары Қытайда бір сапар барысында 30 күнтізбелік күнге дейін визасыз бола алады.

#Ұшақ #Жолаушы

Соңғы жаңалықтар