Садыр Жапаров ТүркПА-ға мүше елдер парламенттері басшыларымен кездесті

Қырғызстан Президенті Садыр Жапаров ТүркПА-ға мүше елдер парламенттерінің төрағаларын қабылдады. Кездесуге қатысқан Қазақстан Құрылтайының Спикері Айбек Дәдебай Қырғызстан басшысына Президент Қасым-Жомарт Тоқаевтың ыстық ықыласы мен ізгі тілегін жеткізді.

Кездесуде түркі мемлекеттері арасындағы қарым-қатынас пен ынтымақтастық мәселелері сөз болды. Тараптар мемлекет басшыларының тікелей ықпалдастығы нәтижесінде түркі елдерінің байланысы стратегиялық деңгейге көтеріліп, жан-жақты дамып келе жатқанын атап өтті.

«Қазіргі уақытта елдеріміз арасындағы саяси, экономикалық және мәдени-гуманитарлық байланыстар жүйелі түрде нығайып келеді. Негізгі бағыттардың барлығы бойынша өзара іс-қимылымыз жоғары қарқынмен дамып, ең жоғары деңгейде жүзеге асырылуда. Бұл жетістіктер Сіз бен мемлекеттеріміз басшылары арасындағы өзара іс-қимылдың тікелей жемісті нәтижесі екені сөзсіз», – деді Айбек Дәдебай.

ТүркПА түркі мемлекеттерінің парламенттері арасындағы ынтымақтастықты дамытуға бағытталған ұйым.