Қорғаныс министрлігіне кеткен Савельеваның орнына жаңа депутат келді

Гүлнар Тойлыбаева Қазақстан Құрылтайының депутаты болып тіркелді. Тиісті қаулыны Орталық сайлау комиссиясы қабылдады.

ОСК төрағасы Нұрлан Әбдіров Тойлыбаеваға депутат куәлігі мен төсбелгісін табыстады.

«Қазақстан Құрылтайы және оның депутаттарының мәртебесі туралы» Конституциялық заңның 44-бабына сәйкес депутаттың өкілеттігі Орталық сайлау комиссиясы тіркеген сәттен басталады. Бай кәсіби тәжірибеңіз заң шығарушы билікті жүзеге асыратын жоғары өкілді органда тиімді жұмыс істеуге мүмкіндік береді деп сенемін», – деді Әбдіров.

Бұған дейін, 7 қазанда Құрылтай депутаты Татьяна Савельева мандатын мерзімінен бұрын тапсырған еді. Сол күні Президент Қасым-Жомарт Тоқаев оны Қорғаныс министрінің орынбасары қызметіне тағайындады.