Корей асханасы әлемді баурады: Енді жергілікті халық өз асын сатып ала алмай отыр

Оңтүстік Кореяда біздің нан сияқты күнделікті дастарқаннан түспейтін «ким» (кептірілген теңіз балдыры) қазір нағыз байлардың асына айналып барады. Оған басты себеп - корей сериалдары мен музыкасының әлемді баурап алуы,деп хабарлайды BBC.

Сұраныс соншалықты артқанына байланысты, тіпті Корея бұл өнімді сыртқа сатып, бағасын рекордық  деңгейге көтерді.

2025 жылы Кореяның теңіз балдыры экспорты алғаш рет 1,13 миллиард доллардан асты. Сұраныстың артуы ішкі нарықтағы бағаның шарықтауына әкелді:

• Бұрын кимнің бір қабаты 100 вон (~36 теңге) болса, қазір ол 150 воннан (~54 теңге) асты.

• Премиум өнімдердің бағасы 350 вонға (~126 теңге) дейін жеткен.

Бағаның өсуіне K-pop пен корей сериалдарының әсерінен шетелдіктердің кимді «пайдалы чипсы» ретінде жаппай тұтынуы себеп болды. Мысалы, АҚШ-тағы Trader Joe's желісінде кимбап трендке айналып, сөрелерден бірден таусылған. 

Қазіргі таңда Корея үкіметі бағаны тұрақтандыруды қолға алып, Pulmone сияқты компаниялар өнімді жыл бойы жинау үшін арнайы ғылыми орталықтар салуды жоспарлап отыр. Корейлер үшін мақтанышқа айналған «ким» енді қолжетімсіз деликатеске айналу қаупінде.