$ 455.86 € 528.84 ₽ 5.25

Алматы облысына жаңа әкім тағайындалуы мүмкін

Абдрахманов Мағжан
03 қыркүйек 2026, 17:09
Алматы облысына жаңа әкім тағайындалуы мүмкін Сурет авторы: Алматы облысының әкімдігі

Алматы облысында облыс әкімін тағайындау мәселесі қаралады. Осыған байланысты облыстық, қалалық және аудандық мәслихат депутаттарының жиыны 4 қыркүйекте Қонаев қаласында өтеді.

Жиын сағат 10:00-де Жамбыл көшесі, 13/1 мекенжайындағы қалалық Мәдениет үйінде басталады. Қатысушыларды тіркеу сағат 09:00-де жүргізіледі.

Жиынға Алматы облыстық, қалалық және аудандық мәслихаттардың депутаттары қатысады.

Қолданыстағы тәртіп бойынша Президент облыс әкімі қызметіне кемінде екі кандидат ұсынады. Үміткерлер алдағы жұмысының бағдарламасын таныстырады, содан кейін депутаттар дауыс береді. Облыс әкімін мәслихат депутаттарының келісімімен Президент тағайындайды.

Алматы облысын 2022 жылғы маусымнан бері Марат Сұлтанғазиев басқарып келеді. Ол бұл қызметте Қанат Бозымбаевты алмастырған. Әкім болып тағайындалғанға дейін Марат Сұлтанғазиев Қаржы бірінші вице-министрі қызметін атқарды.

#Алматы облысы #Облыс әкімі

Соңғы жаңалықтар