Ұлттық банк базалық мөлшерлемені екінші рет қатарынан төмендетті

Қазақстанның Ұлттық банкі базалық мөлшерлемені 16,25 пайыздан 15,75 пайызға дейін төмендету туралы шешім қабылдады. Бұл жөнінде реттеушінің Ақша-несие саясаты комитеті мәлімдеді.

Ұлттық банк өкілдерінің түсіндіруінше, бұл шешім жылдық инфляцияның қатарынан он екі ай бойы төмендеуіне және теңге бағамының оң динамикасына байланысты қабылданған. Мәселен, қыркүйек айында инфляция 9,3 пайызды құрады. Азық-түлік инфляциясы жеміс-жидектер мен көкөністердің арзандауы, сондай-ақ ет бағасы өсімінің баяулауы аясында 8,5 пайызға дейін төмендеген.

«Қыркүйек айында бір жыл алға күтілетін инфляция 11,8 пайызға дейін төмендеді. Нарықтың кәсіби қатысушылары 2026 жылдың соңына қарай инфляция бойынша күтулерін 9,5 пайызға, ал 2027 жылға 8,3 пайызға дейін қайта қаралды», – деді Ұлттық банктегілер.

Еске сала кетейік, қыркүйек айының басында Ұлттық банк базалық мөлшерлемені 16,75 пайыздан 16,25 пайызға дейін түсірген болатын. Реттеуші өкілдері жыл соңына дейін мөлшерлеменің өзгеру ықтималдығы төмен екенін атап өтті. Базалық мөлшерлеме бойынша кезекті жоспарлы шешім 4 желтоқсанда жарияланады.