Ресей әскерінің жақындауынан Украинаның шығысындағы бейбіт тұрғындар қашуға мәжбүр

Украинаның шығысында жағдай шиеленісіп тұр. Ресей әскері таянып келеді. Бейбіт тұрғындар қашуға немесе Ресей оккупациясына көндігуге мәжбүр, деп хабарлайды qrnews.kz тілшісі BBC-ге сілтеме жасап.

Соңғы бірнеше айдың өзінде шамамен 1,2 миллион адам немесе халықтың үштен екісі Ресейдің екі жыл бұрынғы жаппай басып кіруіне байланысты Украинаның бақылауындағы Донецк аймағын тастап кеткен.

Покровск, Константиновка және Краматорск қаласының тұрғындарына соғыс пен басып алу қаупі төніп тұр. Әрбір көшеде дерлік бұзылған ғимаратты кездестіруге болады.

Өз үйін тастап кетуден бас тартқан кейбір тұрғындар “Күтушілер (Ждун)” деп аталып кетті. «Күтушілер» деген мағынаны білдіретін бұл кемсіткіш сөз орыс жағына ығысып, оккупацияны күтіп отырғандарға айтылады. Алайда бұл сөз эвакуациядан бас тартқандардың бәріне қатысты емес. Кейбір украиндер еш себепсіз басқа жаққа көшуден бас тартады. Үнемі қауіп-қатердің арасында болуға олардың еті үйренген.

Балалы отбасылар міндетті түрде эвакуациялануы қажеттігіне қарамастан, соғыс жүріп жатқан Торецкіде әлі 15 бала бар. 

Батыстан қолдаудың жетіспеушілігі және Украина Қарулы күштерінде ресурстың шектеулі болуы жағдайды қиындатып отыр. Украина оның шығыс жерлері бір күні қайтадан өмір сүру үшін қауіпсіз жерге айналады деп үміттенеді. Ал дәл қазір үйін тастап шыққан халықты не күтіп тұрғаны белгісіз.