Гаитиде жағдай ушығып тұр: қылмыстық топтар полиция академиясы мен әуежайға шабуыл жасады

Премьер-Министр Ариэль Анриге соғыс жариялаған Гаити бандалары сейсенбіде Полиция Академиясына және елдің басты әуежайына шабуыл жасады; шетелдік турдан оралған Анридің ұшағы көрші Пуэрто-Рико аралына қонды, деп хабарлайды qrnews.kz тілішсі BBC-ге сілтеме жасап.

Тоғыз Банда конгломератының жетекшісі, "Барбекю" лақап атымен танылған бұрынғы полиция қызметкері Джимми Шеризье сейсенбіде журналистерді жинап, егер премьер кетпесе, елде соғыс басталатынын айтқан болатын.

"Егер Ариэль Анри отставкаға кетпесе, халықаралық қауымдастық оны қолдай берсе, онда біз тікелей азаматтық соғысқа бет бұра бастаймыз және бұл геноцидке әкеледі", — деді БҰҰ-ның адам құқықтарын бұзғаны үшін санкцияланған Барбекю.

Сейсенбі күні түстен кейін бандалар Гаити астанасы Порт-О-пренсте 800-ден астам кадет оқитын Полиция Академиясына шабуыл жасады. Полиция шабуылға тосқауыл қойылғанын хабарлады.

Халықаралық агенттіктер сөйлескен куәгерлердің айтуынша, атыс дыбысы Порт-О-Пренсте орналасқан елдің басты әуежайы Туссен Лувертюр атындағы халықаралық әуежайының жанында да естілген.

Әуежайдан 250 Кубалық ұшуға тырысты, бірақ ұаш алмай қалды.

"Біз қазірдің өзінде ұшаққа отыруымыз керек еді, бірақ олар ұшақтан оқ тесігін тапты", — деп түсіндірді сәтсіз жолаушылардың бірі AFP агенттігіне.

Гаити әуежайларын қазір сарбаздар күзетеді.

Гаити Премьер-Министрі Ариэль Анри өткен аптада алдымен Оңтүстік Америка гайанасындағы аймақтық форумға, содан кейін Гаитиге халықаралық полиция — әскери контингентті жіберу туралы келісімге қол қою үшін Кенияға барды. Әскери контингент бүкіл астананы басып алған бандалармен күресті бастауы тиіс еді.

Ол болмаған Барбекю оған соғыс жариялады. Сенбіде бандалар бірнеше полиция бөлімшелеріне, сондай-ақ Порт-О-Пренстегі екі түрмеге шабуыл жасады, олардың ішінде бірнеше мың тұтқын босатылды.

Осыдан кейін Үкімет төтенше жағдай және коменданттық сағат жариялады.

Бірнеше күн бойы Ариэль Анридің қайда екендігі белгісіз болды, бірақ сейсенбіде Пуэрто-Рико билігі Анридің ұшағы оларға қонғанын растады.

Бұған дейін баспасөздің хабарлауынша, Нью-Джерсиден ұшып келе жатқан премьерді Доминикан Республикасы қонғызудан бас тартты. Бұл ел Гаити орналасқан Испаниола аралының көп бөлігін алып жатыр.