2024 жыл ең ыстық жыл болуы мүмкін

Егер күн белсенділігінің циклі шарықтау шегіне жетіп, Эль-Ниньо құбылысы бір жарым-екі жылдан аспайтын болса, биыл тарихтағы ең ыстық жыл болып тіркелуі мүмкін, деп хабарлайды Qrnews.kz тілшісі ria.ru сайтына сілтеме жасап.

Эль-Ниньо құбылысы Тынық мұхитының экваторлық бөлігінде беткі температураның аномальды жоғарылауымен сипатталады.

«2024 жыл шынымен де ең ыстық жыл болуы мүмкін, бірақ кесіп айту қиын. Эль-Ниньо 2023 жылдың жазында басталды. Тағы бір жарым-екі жылға созылса, 2025 жылдың ортасында аяқталады. 2024 жылы Эль-Ниньо толығымен болса, бұл ең ыстық жыл болуы мүмкін дегенді білдіреді», - деді климатолог Алексей Кокорин.

2024 жылы рекордтық температураға әсер етуі мүмкін тағы бір фактор - күн белсенділігі.

«11 жылдық күн белсенділігі циклінің шыңы 2024 жылы болуы мүмкін. Оның әсері Эль-Ниньоға қарағанда, шамамен үш-төрт есе аз, бірақ аз да болса бар», - деп қосты климатолог.