ҰҚК адам ұрлау мен бопсалауға қатысы бар 24 қылмыстық топты әшкереледі

Қазақстанда бопсалау, адам ұрлау және басқа да ауыр қылмыстарға қатысы бар деген күдікпен 24 қылмыстық топтың қызметі тоқтатылды. Бұл туралы Ұлттық қауіпсіздік комитеті хабарлады.

Ведомство мәліметінше, 169 адам ұсталған. Олардың арасында қылмыстық топтардың жетекшілері де бар.

ҰҚК қызметкерлері шекара маңында, өнеркәсіп және қоршаған ортаны қорғау салаларында қылмыстық сызбалар арқылы заңсыз табыс табуға байланысты деректерді анықтаған.

Аталған фактілер бойынша сотқа дейінгі тергеу жүргізіліп жатыр.