Тоқаев төрт министрді ауыстырды: Үкіметтің жаңа құрамы белгілі болды

Президент Қасым-Жомарт Тоқаев Қазақстан Үкіметінің жаңартылған құрамын бекітті. Олжас Бектенов Премьер-Министр қызметінде қалды. Министрлер арасында төрт кадрлық өзгеріс болды.

Үкіметтің жаңа құрамы:

• Премьер-Министр – Олжас Бектенов;
• Премьер-Министрдің бірінші орынбасары – Нұрлыбек Нәлібаев;
• Премьер-Министрдің орынбасары – Үкімет аппаратының басшысы – Ғалымжан Қойшыбаев;
• Премьер-Министрдің орынбасары – Қанат Бозымбаев;
• Премьер-Министрдің орынбасары – Ұлттық экономика министрі – Серік Жұманғарин;
• Премьер-Министрдің орынбасары – Жасанды интеллект және цифрлық даму министрі – Жаслан Мәдиев;
• Сыртқы істер министрі – Мұхтар Тілеуберді;
• Қорғаныс министрі – Дәурен Қосанов;
• Ішкі істер министрі – Ержан Сәденов;
• Әділет министрі – Ерлан Сәрсембаев;
• Қаржы министрі – Мәди Такиев;
• Мәдениет және ақпарат министрі – Арман Қырықбаев;
• Энергетика министрі – Ерлан Ақкенженов;
• Ауыл шаруашылығы министрі – Айдарбек Сапаров;
• Оқу-ағарту министрі – Жұлдыз Сүлейменова;
• Денсаулық сақтау министрі – Ақмарал Әлназарова;
• Экология және табиғи ресурстар министрі – Әлібек Қуантыров;
• Ғылым және жоғары білім министрі – Саясат Нұрбек;
• Су ресурстары және ирригация министрі – Нұржан Нұржігітов;
• Туризм және спорт министрі – Ербол Мырзабосынов;
• Көлік министрі – Нұрлан Сауранбаев;
• Еңбек және халықты әлеуметтік қорғау министрі – Асқарбек Ертаев;
• Төтенше жағдайлар министрі – Мұрат Мұханов;
• Өнеркәсіп және құрылыс министрі – Ерсайын Нағаспаев;
• Сауда және интеграция министрі – Арман Шаққалиев.

Жаңа тағайындалған төрт министр:

Мұхтар Тілеуберді Сыртқы істер министрлігін Ермек Көшербаевтың орнына басқарады. Ол 2019–2023 жылдары да осы қызметті атқарған.

Арман Қырықбаев Мәдениет және ақпарат министрі болып тағайындалды.

Әлібек Қуантыров Экология және табиғи ресурстар министрлігінде Ерлан Нысанбаевтың орнына келді.

Мұрат Мұханов Төтенше жағдайлар министрі болды. Бұған дейін министрлікті Шыңғыс Әрінов басқарған.

Үкімет сайтында Айда Балаева әзірге Премьер-Министр орынбасарының міндетін атқарушы ретінде көрсетілген. Бұған дейін Президент оны Қауіпсіздік Кеңесі төрағасының орынбасары етіп тағайындаған.

Қазақстан Үкіметі 28 тамызда отставкаға кеткен еді. Жаңа құрам бекітілгенге дейін Үкімет мүшелері өз міндеттерін атқара берді.