$ 454.98 € 509.53 ₽ 5.37

«Сұранысқа ие» мамандықты бітіргендер неге жұмыссыз жүр?

Редакция
08 қыркүйек 2026, 11:08
«Сұранысқа ие» мамандықты бітіргендер неге жұмыссыз жүр? Сурет авторы: ЖИ иллюстрациясы

Қазақстанда жұмысшы мамандықтары бойынша колледж бітірген әрбір үшінші түлек жұмыссыз қалуда. Бұл туралы Оқу-ағарту министрі Жұлдыз Сүлейменова Үкімет отырысында мәлімдеді.

Министрліктің мәліметінше, 51 мың түлектің 34,6 мыңы (68%-ы) ғана жұмысқа орналасқан, ал қалған 16,4 мың адам жұмыс таба алмаған.

  • пішуші-тігінші (немесе арнайы шеберханада киім пішіп, тігетін маман)  - 79%

  • Аспаз - 77%

  • Кондитер - 76%

  • Электрик және тракторшы-машинист - 70%

  • Электромонтер - 68%

  • Тігінші және автокөлік слесарь-жөндеушісі - 66%

  • Электр газбен дәнекерлеуші (электрогазосварщик) - 65%

  • Компьютер аппаратының операторы - 56%

Яғни, ресми түрде сұранысқа ие деп танылған кейбір мамандықтар бойынша да түлектердің жартысына жуығы жұмыссыз қалуда.

«Жалпы, жұмысшы мамандықтары бойынша түлектерді жұмыспен қамту деңгейі 3 пайыздық тармаққа өсіп, 68,0%-ды құрады», - деп атап өтті министр.

Сонымен бірге еңбек нарығында елеулі теңсіздік сақталып отыр. Мәселен, құрылыс саласында 102 мың маманға қажеттілік бар болса, оқу орындарында бары-жоғы 22,4 мың студент білім алуда (сұраныс 4,5 есе жоғары). Ал ауыл шаруашылығы саласында 73 мың маман қажет, алайда бұл бағытта оқитын студенттер саны 12,7 мыңнан аспайды (сұраныстан 5,7 есе аз).

«Бұл диспропорция өңірлер мен салалардың кадрлық қажеттіліктеріне сәйкес мемлекеттік тапсырысты қайта бөлуді талап етеді», - деді Жұлдыз Сүлейменова.

Министрдің айтуынша, басты мақсат - жұмысшы кадрларды даярлау процесін экономика мен өндіріс талаптарына толық сәйкестендіру.

#Еңбек нарығы #Колледж түлектері #Жұмысшы мамандықтары #Мемлекеттік тапсырыс #Құрылыс саласы #Ауыл шаруашылығы #Білім беру #Кадр тапшылығы #Үкімет отырысы

Соңғы жаңалықтар