Ресей мен Қырғызстанда TikTok бұғатталуы мүмкін

Әлеуметтік желілер мен мессенджерлерді кәсіби қолданушылар қауымдастығы Роскомнадзорға Ресейде TikTok-ты бұғаттау мүмкіндігін қарастыруды ұсынды, деп хабарлайды Qrnews тілшісі ТАСС агенттігіне сілтеме жасап.

Сарапшылардың пікірінше, мұндай қадам ресейлік әлеуметтік желілерге қазіргі уақытта шамамен 30 миллион адамды құрайтын TikTok пайдаланушыларының аудиториясын тартуға мүмкіндік береді.

Қауымдастықтың үндеуіне сәйкес, TikTok қосымшасы қазір Ресейде істеп тұр, бірақ екі жыл бұрынғы бейнелер ғана қолжетімді. Бұл блогерлердің табысын жоғалтуына әкеледі. Қауымдастық сонымен қатар TikTok-тың жеке деректер туралы заңға сәйкестігін тексеруге шақырады, бұл платформа әлі заң талап еткендей пайдаланушы деректерін локализацияламаған деп санайды.

Қауымдастық өз үндеуінде TikTok-ты бұғаттау VK Video, Yappy, Zen сияқты ресейлік аналогтарға көбірек пайдаланушыларды тартуға мүмкіндік беретініне, сонымен қатар кәсіби контент жасаушыларға ақша табу үшін көбірек мүмкіндік беретініне назар аударады.

Сондай-ақ Интерфакстың жазуынша, Қырғызстанда Ұлттық қауіпсіздік комитеті де TikTok-тың қауіпсіздік пен жастардың дамуына ықпалына алаңдаушылық білдіріп, республикада бұл әлеуметтік желіге кіруді шектеуді сұрады. Байланыс саласын реттеуші орган байланыс операторларына әлеуметтік желінің балаларды қорғау туралы заңдарды сақтамағанын алға тартып, TikTok-қа кіруді шектеу шараларын қолдануды сұраған хат жолдады.