Қазақстандықтардың нақты табысы қаншалықты өсті?

Қазақстанда халықтың нақты ақшалай табысы өсіп келеді. Бұл туралы Үкімет отырысында Премьер-министрдің орынбасары – Ұлттық экономика министрі Серік Жұманғарин мәлімдеді.

Оның айтуынша, 2026 жылдың екінші тоқсанында нақты ақшалай табыс 0,7%-ға өскен. Салыстырмалы түрде, бірінші тоқсанда бұл көрсеткіш 0,1% ғана болған.

Министрдің сөзінше, табыстың артуына инфляция қарқынының бәсеңдеуі әсер еткен. Қыркүйек айының қорытындысы бойынша жылдық инфляция 9,3%-ды құрап, тамыздағы 9,8%-дан төмендеген.

Инфляцияның төмендеуіне негізінен азық-түлік бағасының арзандауы ықпал еткен. Қыркүйекте азық-түлік өнімдерінің бағасы бір ай ішінде 0,1%-ға төмендеген.

Ислам Баман