Павлодарда жаңа туған қызын сатпақ болған әйел сотталды

Павлодарда жаңа туған қызын 800 мың теңгеге сатуға әрекеттенген Түркістан қаласының тұрғыны бес жылға бас бостандығынан айырылды.

2002 жылы туған әйел жүктілік кезінде баласын сатуға шешім қабылдаған. Ол «ВКонтакте» әлеуметтік желісіне хабарландыру жариялап, сол арқылы сатып алушы тауып, жаңа туған қызын 800 мың теңгеге сатуға келіскен.

Кейін әйел Павлодар облыстық №1 перинаталдық орталығында дені сау қыз босанған. Ол сәбиді сатып алушыға беріп, полиция мен прокуратура қызметкерлері алдын ала белгілеген 100 мың теңгені алған. Осыдан кейін әйел ұсталды.

Сот оны бес жылға бас бостандығынан айыру жазасына кесті. Алайда жазаны өтеу бес жылға кейінге қалдырылды.