Парамен ұсталған Сәтпаевтың экс-әкімі сот үкіміне шағымданды

3,5 жылға бас бостандығынан айырылған Сәтбаев қаласының бұрынғы әкімі Шапағат Әубәкір сот үкімін апелляцияға бермек болды.

Ұлытау облыстық сотының хабарлауынша, апелляциялық алқа оның шағымын қарастырған.

«Облыстық соттың апелляциялық сот алқасының қаулысымен үкім өзгеріссіз қалды, сотталған Әубәкірдің, оның қорғаушысының және прокурордың апелляциялық шағымы қанағаттандырылмады», - делінген сот хабарламасында.

Іс материалдарынан белгілі болғандай, Әубәкір 2024 жылдың ақпан айында қала әкімі бола тұра, Сәтпаев жолдарын күтіп ұстау жұмыстарын жүргізетін жеке кәсіпкерден мемлекеттік сатып алу туралы шарт сомасын арттыру және оны ұзартуға көмектескені үшін 10 миллион теңге көлемінде пара алған. 

Екі айыпталушы да өз кінәларын толық мойындап, соттан оларға бас бостандығынан айырудан басқа жаза тағайындауды сұрады. Шапағат Әубәкірге мемлекеттік қызметте лауазымдарды атқару құқығынан өмір бойына айыра отырып, 3 жыл 6 айға бас бостандығынан айыру жазасы тағайындалды. Кәсіпкерге 200 миллион теңге айыппұл салынды.