Қырғызстанда мектеп оқушыларын қағып кеткен жүргізуші ұсталды: Зардап шеккендердің саны артты

Қырғызстан ІІМ-нің баспасөз қызметі Созақта мектеп оқушыларын қағып кеткен жүк көлігінің жүргізушісі ұсталғанын мәлімдеді, деп хабарлайды Qrnews.kz тілшісі 24kg-ге сілтеме жасап.

Сонымен қатар оқиға орнына Ішкі істер министрі Ұланбек Ниязбеков та барды. Бұл іс оның жеке бақылауында.

Бұған дейін Жалал-Абад облысының Созақ ауданындағы жайлауда Porter 29 оқушыны қағып кеткені хабарланған болатын. Олардың жетеуі жансақтау бөліміне түсті, үшеуінің жағдайы ауыр.

Полиция зардап шеккендер саны 32-ге артқанын айтты. Оның ішінде бір мұғалім бар.

Жүк көлігінің жүргізушісі 48 жастағы жергілікті тұрғын болып шықты. 

АКИpress-тің жазуынша, «Манас» театры оқиғаға қатысты пікір білдірді. Директор орынбасарының айтуынша, Созақта балалардың қауіпсіздігін қамтамасыз етпеген барлық басшылар жауапқа тартылады. Сондай-ақ, Шу және Нарын облыстарында жоспарланған іс-шаралар тоқтатылды.