ҚТЖ бейтаныс ерлер мен әйелдерді бір купеге отырғызбау мүмкіндігін қарастырып жатыр

«Қазақстан темір жолы» пойыздарда бейтаныс ерлер мен әйелдердің бір купеге билет алуын шектейтін жүйені енгізу мүмкіндігін зерттеп жатыр. Бұл туралы компания Threads желісіндегі қазақстандықтың ұсынысына жауап берген.

Желі қолданушысы Түркиядағы пойыз билеттерін сату жүйесін мысалға келтірген. Оның айтуынша, егер купедегі алғашқы орынды ер адам сатып алса, қалған орындар ер жолаушыларға ұсынылады. Ал алғашқы билетті әйел алса, купедегі өзге орындар да әйелдерге сатылады.

Қазақстандық ҚТЖ-ны белгілеп, мұндай жүйені Қазақстанда неге енгізбеске деген сауал қойған.

Компания өкілдері бұл тәжірибені мамандар қазірдің өзінде зерттеп жатқанын мәлімдеген. Зерттеу қорытындысынан кейін жүйені енгізу немесе енгізбеу жөнінде шешім қабылданады.

Әзірге ҚТЖ негізгі бағыттардың бірқатарында «әйелдер вагоны» қызметі бар екенін еске салды.