Енді телефон нөмірі арқылы басқа банкке ақша жіберуге болады

Қазақстан Ұлттық банкінің төрағасы кеңесшісі Бинұр Жаленовтың айтуынша, маусым айынан бастап қазақстандықтар банк клиентінің телефон нөмірін енгізу арқылы басқа банктегі шотқа қаражат аудара алады.

Бүгінде бұл жүйеге қосылған 9 банк бар:

• Halyk Bank

• Банк ЦентрКредит

• Freedom Bank

• Bank RBK

• Altyn Bank

• Bereke Bank

• Forte Bank

• Home Credit Bank

• Nurbank

Ал маусымда алғашқы болып бұл қызметті Halyk Bank, Freedom Bank, Bank RBK, Altyn Bank және Home Credit Bank клиенттері пайдалана алады.

Сонымен қатар QR-код арқылы да банк аралық төлем жасау жүйесі енгізіліп жатыр. Freedom Bank пен Bank RBK бұл бағыттағы жұмыстарын аяқтады. Halyk Bank секілді тағы төрт банк дайындық үстінде.

— Жыл соңына дейін бірнеше банк бұл қызметті толық іске қосады деп күтудеміз, – деді Жаленов.

Ұлттық банк төрағасының орынбасары Берік Шолпанқұловтың айтуынша, кейбір банктердің бұл жүйеге қосылу мерзімі техникалық дайындық деңгейіне байланысты кешігуде.