Құрылтай депутаттары азаматтарды жеке қабылдай бастайды

Құрылтайда азаматтардың депутаттарға тікелей жүгінуіне мүмкіндік беретін Қоғамдық қабылдау ашылды. Мұндай шешім Құрылтай төрағасы Айбек Дәдебайдың төрағалығымен өткен Бюро отырысында қабылданды.

Құрылтай төрағасының орынбасары Динара Закиеваның айтуынша, Қоғамдық қабылдау азаматтармен тікелей байланыс орнатып, олардың өтініштері мен ұсыныстарын қарауға арналған алаң болады.

Құрылтай төрағасының тапсырмасымен депутаттардың азаматтарды қабылдауын ұйымдастыру және өткізу қағидалары әзірленген. Қабылдау кестесі барлық фракция және комитетпен келісіліп, Құрылтайдың ресми сайтына жарияланды.

Депутаттың қабылдауына бірнеше жолмен жазылуға болады. Азаматтар Құрылтайдың ресми сайты арқылы электрондық өтініш жолдай алады, жазбаша немесе қолма-қол өтініш бере алады, сондай-ақ тікелей ауызша жүгіне алады.

Қоғамдық қабылдау жұмысын үйлестіруді депутаттар Константин Авершин, Айжан Аймағанова және Шолпан Кариноваға жүктеу ұсынылды.