$ 444.58 € 510.29 ₽ 5.27

Құрылтай сайлауын өткізген Нұрлан Әбдіров қызметінде қалды

Абдрахманов Мағжан
18 қыркүйек 2026, 10:36
Құрылтай сайлауын өткізген Нұрлан Әбдіров қызметінде қалды Сурет авторы: parlam.kz

Мемлекет басшысы Қасым-Жомарт Тоқаевтың Жарлығымен Нұрлан Мәжитұлы Әбдіров Қазақстан Республикасы Орталық сайлау комиссиясының төрағасы болып тағайындалды, деп хабарлады Ақорда.

Нұрлан Әбдіров 1961 жылы туған. Ол Орталық сайлау комиссиясын бұған дейін де басқарған. ОСК-ның ресми дерегінде Әбдіров комиссия төрағасы ретінде көрсетілген.

Биыл оның жетекшілігімен Орталық сайлау комиссиясы елдегі саяси жүйе өзгергеннен кейінгі Құрылтай депутаттарының алғашқы сайлауын ұйымдастырды. Дауыс беру 23 тамызда өтті. Сайлау науқаны кезінде ОСК партиялық тізімдерді тіркеп, өңірлердегі сайлау учаскелерінің дайындығын тексерді.

27 тамызда Орталық сайлау комиссиясы сайлау қорытындысы бойынша Құрылтай депутаттарын тіркеді. Конституциялық заңға сәйкес, депутаттардың өкілеттігі ОСК-да тіркелген сәттен басталды.

#Орталық сайлау комиссиясы

Соңғы жаңалықтар