Әлем тыныш емес: Былтыр әлемде 59 қарулы қақтығыс болған

Уппсала университетінің Қақтығыстар туралы деректер бағдарламасының (UCDP) швед ғалымдары 2023 жылы әлемде рекордтық қарулы қақтығыстар саны тіркелгенін мәлімдеді. Былтыр мемлекеттер қатысқан 59 соғыс пен қақтығыс болған. Бұл – 1946 жылы деректер жинала бастағаннан бергі ең жоғары көрсеткіш. Зерттеу ғылыми мекеменің ресми сайтында жарияланған.

Осыған дейін қақтығыс саны бойынша ең жоғарғы көрсеткіштер 2020 және 2022 жылдары байқалған, екі жылда да 56 қақтығыс тіркелген.

Сонымен бірге қақтығыстардағы адам шығыны 2022 жылмен салыстырғанда екі есе азайып, 310 мыңнан 154 мыңға дейін төмендеген. Бұл негізінен Эфиопияның Тыграй аймағындағы қанды соғыстың аяқталуына байланысты.

UCDP мәліметтері бойынша, 2023 жылы Украина аумағындағы қақтығыстарда шамамен 71 мың адам құрбан болған, ал Израильдің палестиналық ХАМАС қозғалысына қарсы операциясы 21 мың адамның өмірін қиды.

Мемлекет қатыспайтын топтар арасындағы қақтығыстарда, яғни мемлекетаралық емес қақтығыстарда 2023 жылы аздап төмендеу байқалды. Барлығы 75 мемлекетаралық емес болған.