Алматыда 700-ге жуық студентке шәкіртақы уақытында берілмеген

Алматыдағы Халықаралық бизнес және коммуникациялар колледжінің студенттеріне мемлекеттік шәкіртақы мен жол жүру шығындарының өтемақысы уақытында төленбеген. Жалпы берешек шамамен 50 млн теңге болған, деп хабарлады Алматы қаласының прокуратурасы.

Заң бұзушылықты қадағалау органы анықтаған. Прокуратура мәліметінше, студенттер мемлекеттік шәкіртақысын және жол жүруге жұмсалған шығындардың өтемақысын белгіленген мерзімде ала алмаған.

Прокуратураның қадағалау актісінен кейін 676 студенттің алдындағы берешек толық өтелді.

Ведомство таратқан ақпаратта төлемдердің нақты қанша уақыт кешіктірілгені және оған не себеп болғаны көрсетілмеген.