Конституцияға 30 жыл: Рақымшылыққа іліккен алғашқы адам бостандыққа шықты

Қазақстанда Конституцияның 30 жылдығына орай жарияланған рақымшылық аясында алғашқы сотталған азамат бостандыққа шықты. Бұл туралы ҚР Ішкі істер министрлігінің Қылмыстық-атқару жүйесі комитеті хабарлады.

Аталған азамат Қостанай облысында ұрлық жасағаны үшін бас бостандығынан айырылған. Енді оны үйінде жұбайы мен үш баласы күтіп отыр.

«Бұл оқиға олардың өміріндегі маңызды кезең саналады. Бұл бәрін жаңа парақтан бастап, қоғамға толыққанды оралуға мүмкіндік береді», – делінген ҚАЖК таратқан ресми мәлімдемеде.

Айта кетейік, Қазақстанда рақымшылық Конституцияның 30 жылдығына орай жарияланған болатын. Ресми дерекке сүйенсек, рақымшылық шамамен 15 мың адамды қамтиды.