$ 491.29 € 562.92 ₽ 6.1

Израиль: ХАМАС-тың әскери жетекшісі Мұхаммед Дейф Газа секторында өлтірілді

Редакция
01 тамыз 2024, 07:16
Израиль: ХАМАС-тың әскери жетекшісі Мұхаммед Дейф Газа секторында өлтірілді Сурет авторы: AFP

ХАМАС-тың әскери қанатының басшысы Мұхаммед Дейф өткен айда Газа секторында израильдік әуе шабуылынан қаза тапты. Бұл туралы Израиль қорғаныс күштерінің баспасөз қызметі мәлімдеді, деп хабарлайды BBC.

Мұхаммед Дейф ұзақ жылдар бойы Израиль әскерінің басты нысанасы болды. Ол түрмеден қашып құтылып, кем дегенде жеті қастандық әрекетінен аман қалды.

«Израиль қорғаныс күштері 2024 жылдың 13 шілдесінде ИДМ жойғыш ұшақтары Хан Юнис ауданына соққы бергенін және барлау мәліметтерін бағалағаннан кейін Мұхаммед Дейфтің соққыдан қаза тапқанын растауға болатынын хабарлайды», - делінген әскерилердің мәлімдемесінде.

Бұрын бұл соққының басты нысанасы Дейф болғаны хабарланған, бірақ бүгінге дейін Израиль оның шынымен өлгенін растаған жоқ. Хамас оның аман қалғанын мәлімдеді. Хамас әзірге Израиль әскерилерінің мәлімдемесіне қатысты пікір білдірген жоқ.

Израиль Дейфті 1996 жылы ондаған израильдіктердің өмірін қиған автобус жарылыстарын жоспарлап, басқарды, сондай-ақ 1990 жылдардың ортасында үш израильдік солдаттың тұтқынға алынып, өлтірілуіне қатысы бар деп айыптайды.

Ол өткен жылдың 7 қазанында 1200-ге жуық израильдік пен шетелдік (көбіне бейбіт тұрғындар) қаза тауып, тағы 251-і Газаға кепілге алынған ХАМАС-тың Израильге жасаған шабуылын ұйымдастырушылардың бірі болған деп есептеледі.

Соңғы жаңалықтар