Иранның Израильге шабуылы салдарынан бір топ қазақстандық елге келе алмай отыр

Катар астанасы Дохадан Қазақстанға ұшқан ұшақ Иранның әуе кеңістігінде екі рет айналып, қайтадан Доха әуежайына оралған. 

Жолаушыларға елшілік өкілдері бір-ақ рет келіп кетіп, “күтіңіздер”,- деп ештеңе шеше алмаған. Тіпті, қонақүйге орналастыру мен тамақ мәселесін де қарастырмаған. Олар қазір әуежайда қонып жатыр, оған қоса жолаушылардың арасында балалар көп. Жолаушыларға 10 сағат ішінде тек бір рет ас берілген. Әуекоманиясы Алматыға жеткізу мүмкіндігі жоқ екенін, Ташкентке дейін ғана жеткізе алатындарын айтқан. 

1 қазан күні Иран Хезболла жетекшісі Хасан Насралланың өліміне қарымта ретінде Израильге зымырандармен атқылады. Батыс БАҚ дерегінше Иран шамамен 200-ге жуық зымыранмен шабуыл жасаған десе, Ресей БАҚ-тары 500- аса деп ақпарат таратуда. Иран мен Израиль билігі әзірге зымырандардың нақты саны туралы пікір білдірмеді. 

Премьер-министр Беньямин Нетаньяху Израиль аумағына баллистикалық зымырандармен жаппай соққы берген Иран "үлкен қателік жіберді, олар мұның өтемін өтейді" деп мәлімдеді.

Сондай-ақ қақтығысқа АҚШ билігі белсенді пікір білдіруде. Камала Харрис АҚШ өз мүдделерін Ираннан қорғау үшін "кез келген қажетті әрекеттерді" жасайтынын айтты.

Джо Байденнің ұлттық қауіпсіздік жөніндегі кеңесшісі Джейк Салливан Иранның әрекеті "жағдайды ушықтыра түсетінін" айтты