Иманбек «Құрмет» орденінің иегері болды

Қазақстаннан шыққан алғашқы «Грэмми» сыйлығының иесі Иманбек Зейкенов мемлекеттік «Құрмет» орденімен марапатталды. Бұл туралы ҚР Премьер-Министрінің орынбасары әрі Мәдениет және ақпарат министрі Аида Балаева хабарлады.

Министрдің айтуынша, осы марапатқа Конфессияаралық және дінаралық диалог орталығы жанындағы Съезд бастамаларын іске асыру департаментінің бұрынғы жетекшісі Қарлығаш Қалилаханова және музыка продюсері Иманбек Зейкенов лайық деп танылған.

Бұдан бөлек, Еркебұлан Тоқтарға «Қазақстанның еңбек сіңірген қайраткері» атағы берілді.

Аида Балаева барлық марапат иелерін құттықтап, елдің мәдени өміріне және қоғам дамуына қосқан еңбектері үшін ризашылығын білдірді.