Эстонияның Бірінші ханымы қазақтың ұлттық киім дүкеніне арнайы барды

Елордада Эстония Президенті Алар Карис пен оның жұбайы Сирье Карис ханымның мемлекеттік сапары аясында жылы жүздесу өтті.

Сирье Карис ханым Астана қаласындағы қазақы нақыштағы ұлттық киім сататын брендтің филиалына арнайы келіп, қазақ мәдениеті мен сән өнерімен танысты. Іс-шарада оған қазақы оюмен безендірілген ұлттық киім мен кәдесыйлар тарту етілді.

Бренд өкілдерінің айтуынша, Бірінші ханымның қарапайымдылығы мен парасаты, сондай-ақ қазақ мәдениетіне деген қызығушылығы ерекше әсер қалдырған.

«Сирье ханымның сыпайылығы мен интеллигенттілігі жүректі жылытты. Кездесу қысқа болса да, біз үшін ұмытылмас сәт болды», – деп бөлісті ұйымдастырушылар.

Айта кетейік, Эстония Президенті Алар Карис 17–19 қараша аралығында Қазақстанға мемлекеттік сапармен келді.
Келіссөздер барысында екі ел көшбасшылары сауда-инвестиция, цифрландыру, көлік-логистика және білім-ғылым салаларындағы ынтымақтастықты дамыту мәселелерін талқылады.