Биыл АҚШ пен Мексика шекарасында 100-ден астам адам көз жұмған

АҚШ-Мексика шекарасындағы Жаңа Мексика аймағында соңғы екі жылда қаза тапқан мигранттар саны бес жыл бұрынғы көрсеткіштермен салыстырғанда он есе өсті. 2024 жылдың алғашқы сегіз айында Жаңа Мексика шекарасынан 108 мигранттың денесі табылды, олардың көбі Мексика мен Орталық Америкадан келген адамдар. Бұл туралы The Guardian хабарлады.

Жаңа Мексика шекарасы маңында мигранттардың өлім-жітімі артып, бұл аймақтағы медициналық қызметтерге үлкен жүктеме түсірді. Жаңа Мексика Университетінің медициналық зерттеу орталығының мәліметінше, шекарада қаза тапқан адамдардың көпшілігінің қазасына шектен тыс ыстық себеп болған. Адамдар жол бойында, кейде қалаларға жақын жерде қаза болып жатыр.

АҚШ шекара күзеті бұл аймақта су тарату станцияларын орнатып, құтқару операцияларын күшейтті. Шекарадағы бақылау күшейтіліп, мигранттарды құтқаруға арналған жаңа құрылғылар мен патрульдер қосылды.

Шекарада қызмет атқаратын еріктілер де өз жұмысын белсендіре түсті. Олар қауіпті аймақтарға су қойып, көмекке мұқтаж адамдарға белгі беретін тулар орнатып жатыр. Мигранттардың өлім-жітімінің артуына шекарадағы ұйымдасқан қылмыстың күшеюі де ықпал етіп отыр.