Астаналық ауруханалар, инфекциялық стационарлар "Маймыл шешегі" тараған жағдайға толық дайын

Астанада маймыл шешегі әкелінген жағдайда ауруханалар, инфекциялық стационарлар мен зертханалар толық дайындыққа келтірілді, деп хабарлады Денсаулық сақтау министрлігінің санитарлық-эпидемиологиялық бақылау комитеті.

"8-13 қыркүйек аралығында Астанада өтетін Дүниежүзілік көшпенділер ойындары қарсаңында қауіпті инфекцияларға күдікті пациенттер келген жағдайда денсаулық сақтау объектілері, шұғыл медициналық көмек бригадалары мен инфекциялық стационарлар толық дайындыққа келтірілді", - делінген хабарламада.

20 тамызда комитет маймыл шешегі бойынша әлемдегі эпидемиологиялық жағдайға байланысты мемлекеттік шекарада барлық өткізу пункттерінде санитарлық-карантиндік бақылау күшейтілгенін мәлімдеді.

Астанада өткен Дүниежүзілік көшпенділер ойындарының алдында дәрі-дәрмектердің, жеке қорғаныс құралдары мен дезинфекциялау құралдарының толық қоры қамтамасыз етілді.

"Санитарлық-эпидемиологиялық қызмет зертханалары қажетті диагностикалық тест-жүйелермен жабдықталған", - деп толықтырды комитет.

Денсаулық сақтау министрлігінің мәліметінше, қазір елдегі эпидемиологиялық жағдай тұрақты және бақылауда. Маймыл шешегі ауруы және бұл ауруды Қазақстанға таралу жағдайлары анықталған жоқ.