Анголада жанармай бағасының өсуі тәртіпсіздікке әкелді – 22 адам қаза тапты

Анголада дизель бағасының 33%-ға қымбаттауы халықтың ашуын туғызып, елде жаппай наразылыққа ұласты. Қақтығыстар кезінде кемінде 22 адам қаза тауып, 197 адам жараланды, 1 200-ден астам адам ұсталды (Reuters).

Дүйсенбіде Луандада басталған ереуілдер тез арада басқа аймақтарға таралды. Кей жерлерде дүкендер тоналып, көліктер өртенді. Билік тәртіпті қалпына келтіру үшін әскер шығарды.

Үкімет бюджетке түсетін ауыртпалықты азайтып, қаржыны басқа салаларға бағыттау керек дейді. Алайда сарапшылар бұл шешімнің халыққа ауыр тиетінін айтады. Дизель бағасының өсуі азық-түлік пен қоғамдық көлік құнын да қымбаттатты. Халықаралық ұйымдар да бағаның күрт көтерілуі кедей аймақтардағы жағдайды одан әрі қиындатуы мүмкін деп ескертті.

Автор: Рахат Жора