АҚШ-тағы сайлау: алғашқы нәтижелер белгілі болды

АҚШ-та 60-президенттік сайлау басталды, оны дәстүр бойынша Нью-Гемпширдегі Диксвилл-Нотч ауылының тұрғындары ашты. Мұнда тұрғындар дәл түнгі 12-де дауыс берді. Алты сайлаушының дауысы тең бөлінді: үш дауыс Дональд Трампқа және үш дауыс Камала Харриске.

1960 жылы Ричард Никсон мен Джон Кеннеди арасындағы бәсеке ерекше шиеленіскен кезде, The Balsams қонақ үйі назар аударту үшін түн ортасында дауыс беруді ұйымдастырды. Бұл шешім сәтті болды, өйткені ол дауыс беру нәтижелерін мерзімінен бұрын алуға мүмкіндік берді. Содан бері Диксвилл-Нотч бірінші болып дауыс беру процесін бастайды, ал нәтижесі бірнеше минут ішінде жарияланады.

Көптеген америкалық үшін бұл ауылдағы нәтиже символикалық мәнге ие, себебі осындағы нәтижеге қарап, көбі болжам жасайды.