Microsoft жасанды интеллект үшін 60 мың қызметкеріне өз еркімен жұмыстан кетуді ұсынды

Технологиялық алып Microsoft компаниясы жасанды интеллект өндірісіне ресурстарды бағыттау мақсатында 60 мыңға жуық қызметкеріне өз еркімен жұмыстан кету бағдарламасын (buyout) ұсынды. Бұл бұрын-соңды болмаған шара ұжымның төрттен бір бөлігін қамтиды.

Ерікті түрде жұмыстан босату бағдарламасы АҚШ, Ұлыбритания, Үндістан және Канададағы вице-президент деңгейінен төмен орта буын мамандарына бағытталған. Келіскен қызметкерлерге қаржылай өтемақы мен мансаптық көмек ресурстары беріледі. Салыстырмалы түрде, деректер орталықтарында (data centers) жұмыс істейтіндер мен сату-маркетинг бөлімдерінің мамандары бұл бағдарламаға қатыса алмайды.

Компанияның қаржы директоры Эми Худтың айтуынша, Microsoft тек 2026 жылдың өзінде жасанды интеллект инфрақұрылымын және деректер орталықтарын дамытуға 175 миллиард доллар жұмсауды жоспарлап отыр. Еңбек шығындарын азайту арқылы босаған қаражат тікелей ЖИ жобаларын қаржыландыруға бағытталады.

Бұл - корпорацияның биылғы эшелонды екінші бағдарламасы. Мамыр айында 8,7 мыңға жуық қызметкерге ұсыныс жасалса, шілдеде Xbox ойын бөлiмiн қосқанда 4,8 мың адам қысқартуға түскен еді. Ресми деректерге сүйенсек, маусым айының соңында компанияда 223 мың қызметкер жұмыс істеген.