Мектептерде 4 күндік оқу аптасы енгізілуі мүмкін бе: Қазақстандықтар жұманы демалыс ету идеясын қызу талқыланып жатыр

Қазақстанда мектеп оқушылары үшін төрт күндік оқу аптасын енгізу туралы бастама әлеуметтік желіде үлкен пікірталас тудырды. Идея авторы regina.montessori есімді Threads қолданушысының айтуынша, балалар дүйсенбіден бейсенбіге дейін дәстүрлі режимде оқып, ал жұма күнін тек үйірмелерге, спорттық секцияларға және ғылыми жобаларға арнауы керек.

Бұл ұсыныс желі қолданушыларын екіге жарды. Бастаманы қолдаушылар мұндай қадам артық пәндерді азайтып, оқу бағдарламасын оңтайландыруға мүмкіндік береді деп есептейді. Ал қарсы тарап бұл реформа 5/2 графигімен жұмыс істейтін ата-аналар мен мұғалімдерге түсетін жүктемені еселеп арттыратынын алға тартты. Олар екі ауысымды мектептерде сабақ уақыты түнге дейін созылып, 22:00-де бір-ақ аяқталатынын және каникул күндері қысқарып кетуі мүмкін екенін айтып, реніштерін білдірді.

Пікір білдірушілердің басым бөлігі басты мәселе оқу күндерінің санында емес, білім сапасы мен бағдарламаның шамадан тыс жүктелгенінде екенін атап өтті. Желі қолданушылары тиімсіз арнайы курстар мен пайдасыз қосымша сабақтарды алып тастап, негізгі сабақтардың сапасын арттыруды ұсынды.