Қазақстанда ең төменгі жалақы 110 мың теңгеге дейін өседі

Қазақстанда 2027 жылғы 1 қаңтардан бастап ең төменгі жалақы 85 мыңнан 110 мың теңгеге дейін көтеріледі. Президент Қасым-Жомарт Тоқаев Қазақстан халқына Жолдауында Үкіметке осындай тапсырма берді.

Мемлекет басшысының айтуынша, ең төменгі жалақы мөлшері алдағы уақытта да кезең-кезеңімен көбейтіледі.

«Мен Үкіметке ең төменгі жалақы мөлшерін 85 мыңнан 110 мың теңгеге дейін көтеруді тапсырамын. Осы міндет келесі жылдың 1 қаңтарынан бастап іске асырылуға тиіс», – деді Президент.

Тоқаевтың сөзінше, бұл шешім 1,8 миллион адамның табысын арттыруға ықпал етеді. Олардың қатарында бюджеттен жалақы алатын 370 мыңнан астам қызметкер бар.