Жемқорлардан тәркіленген 1,15 трлн теңге халық игілігіне бағытталды

Астанада «Заң мен тәртіп» апталығы аясында Сыбайлас жемқорлыққа қарсы қызмет қайтарылған активтер есебінен салынған әлеуметтік нысандарға арналған арнайы баспасөз-тур ұйымдастырды. Іс-шараға журналистер, қоғамдық белсенділер, блогерлер мен азаматтық қоғам өкілдері қатысты.

Баспасөз-турдың мақсаты — жемқорлардан тәркіленген қаражат есебінен бой көтерген әлеуметтік маңызы бар нысандардың қызметімен жұртшылықты таныстыру және бұл арқылы мемлекеттік институттарға деген сенімді нығайту.