$ 447.85 € 513.46 ₽ 5.31

Жаңбыр, найзағай және тұман: 23 қыркүйекте күн райы қандай болады

Абдрахманов Мағжан
23 қыркүйек 2026, 08:40
Жаңбыр, найзағай және тұман: 23 қыркүйекте күн райы қандай болады Сурет авторы: Magnific

23 қыркүйекте Қазақстанның шығысы, оңтүстік-шығысы мен орталығында жаңбыр жауып, найзағай ойнауы мүмкін. Елдің қалған бөлігінде жауын-шашынсыз күн райы сақталады, деп хабарлады «Қазгидромет». 

Синоптиктердің болжамынша, республика бойынша жел күшейеді. Түнде және таңертең батыс, солтүстік-батыс, солтүстік, шығыс және орталық өңірлерде тұман түседі. Бірқатар облыста өрт қаупі жоғары және төтенше деңгейде сақталады. 

Астанада жауын-шашын болмайды, күндіз ауа температурасы +19…+21 градус шамасында болады. Алматыда да негізінен жылы күн райы сақталады. Шымкентте жауын-шашын күтілмейді, күндіз +28…+30 градусқа дейін жылынады. 

Жалпы, елдің оңтүстігінде жаздағыдай жылы күн сақталса, солтүстік өңірлерде түнгі температура айтарлықтай төмен болады. 

#Күн райы #Ауа райы болжамы #Жаңбыр #Тұман # # #Казгидромет

Соңғы жаңалықтар