Степногорск қаласына жаңа әкім тағайындалды

Талғат Ерсейітов Степногорск қаласының әкімі болып тағайындалды. Тиісті өкімге Ақмола облысының әкімі Марат Ахметжанов қол қойды, деп хабарлады облыс әкімдігі.

Ерсейітов жаңа қызметке келгенге дейін Астрахан ауданын басқарды. Ол бұл қызметті 2023 жылдың қараша айынан бері атқарып келген.

Талғат Ерсейітовтің жергілікті атқарушы органдарда бірнеше ауданға басшылық еткен тәжірибесі бар. 2009–2012 жылдары Астрахан ауданы әкімінің орынбасары, 2012–2017 жылдары осы ауданның әкімі болды. 2017–2019 жылдары Есіл ауданын, ал 2019–2023 жылдары Бұланды ауданын басқарды.

Бұған дейін Степногорск әкімі қызметін Ғайдар Қасенов атқарған. Ол 2024 жылғы қарашада қала әкімі болып тағайындалған еді. 21 қыркүйекте Марат Ахметжанов Қасеновты қызметінен босатты. Сол күні Аршалы ауданының әкімі Достанбек Есжанов та қызметінен кетті. Олардың қызметтен босатылу себебі ресми хабарламада көрсетілмеген.