Қазақстан қоржынына бесінші алтын түсті: ММА шебері Еркінғали Бүркіталин Азия ойындарының чемпионы атанды

Қазақстандық Еркінғали Бүркіталин Жапонияда өтіп жатқан XX жазғы Азия ойындарында аралас жекпе-жектен чемпион атанды. Ол Қазақстан құрамасының қоржынына бесінші алтын жүлдені салды, деп хабарлады Туризм және спорт министрлігінің Спортты дамыту дирекциясы.

77 келіге дейінгі салмақта дәстүрлі стиль бойынша сынға түскен Бүркіталин финалда Бахрейн өкілі Мұхаммед Нәбиевпен кездесті. Қазақстандық спортшы қарсыласын 3:0 есебімен жеңді.

Финалдық жекпе-жектер Жапонияның Нагоя қаласындағы Инаэ спорт орталығында өтіп жатыр.

Биыл аралас жекпе-жек жазғы Азия ойындарының бағдарламасына алғаш рет енгізілді. Осылайша, Бүркіталин Азиададағы ММА жарысында алтын жүлде иеленген қазақстандық спортшылардың бірі атанды.

Қазір Қазақстан құрамасының еншісінде бес алтын медаль бар.

XX жазғы Азия ойындары 4 қазанға дейін жалғасады. Қазақстан құрамасы атынан 558 спортшы 35 спорт түрінен сынға түсіп, жүлде үшін таласады.