Американың жетекші БАҚ өкілдері Дональд Трампты сотқа берді

Вашингтон саяси текетірестің жаңа эпицентріне айналды. АҚШ-тың ең ықпалды телеарналары мен басылымдары - CNN, MS NOW және Politico ел президенті Дональд Трампқа және оның әкімшілігінің жоғары лауазымды өкілдеріне қарсы Вашингтонның округтік сотына бірлескен талап-арыз түсірді. Бұған Ақ үй билігінің аталған БАҚ өкілдерін баспасөз аккредитациясынан айырып, ғимаратқа кіргізбей қоюы себеп болған.

Жанжалдың басы 18 қыркүйекте Дональд Трамптың бұл арналар «әділетсіз ақпарат таратады» деген мәлімдемесінен басталды. Келесі күні Секреттік қызмет қызметкерлері журналистердің рұқсат қағаздарын тәркілеп, Ақ үйге өтуіне бөгет жасады. БАҚ өкілдері бұл қадамды президенттің «сыни материалдар үшін өш алуы» әрі сөз бостандығына қатер төндіру деп бағалап, федералды судьядан тыйымды тоқтатуды талап етуде. Мәселенің шиеленіскені соша, Fox News басқаратын Ақ үйдің телепулы да Трамптың қатысуымен өтетін шараларды көрсетуден бас тартты.

Бұл айыптауларға Дональд Трамп Truth Social әлеуметтік желісінде қатаң жауап қайтарды:

«Фейк жаңалықтар жасаушы бұл БАҚ-тар - сөз бостандығы емес, біздің сүйікті мемлекетімізге жайылған қатерлі ісік. Олар ұлттық қауіпсіздікке қауіп төндіріп отыр, оларды дереу тоқтату керек!» - деп мәлімдеді АҚШ президенті.

Ақ үй басшысы сот процесін бұрынғы қарсыластарының кезекті шабуылы деп атап, сөз бостандығын жеке мүддесіне пайдаланатындармен соңына дейін күресетінін жеткізді. Енді тараптар арасындағы бұл істі сот Тим Келли қарастыратын болады.