Шекерадан заңсыз жолмен 200-ден астам iPhone 18 алып өтпек болғандар ұсталды

Астана халықаралық әуежайының кеден бекетінде шекара арқылы ірі көлемде контрабандалық тауар өткізу әрекетінің жолы кесілді. Мемлекеттік кірістер комитетінің хабарлауынша, кеденшілер елге заңсыз әкелінбек болған 223 дана iPhone 18 смартфоны мен 10 жуп AirPods сымсыз құлаққабын анықтады.

Заң бұзушылар техниканы жүк сөмкелеріне жасырып, кедендік декларация тапсыруды талап етпейтін «жасыл коридор» арқылы өтіп кетпек болған. Кедендік бақылау барысында жолаушылардың бірі жалғыз өзі 50 дана жаңа айфонды алып өтпек болғаны белгілі болды. Бұл жеке пайдалануға арналған шекті мөлшерден бірнеше есе көп.

Фото: МКК

Тексеру нәтижесінде заңсыз жүк тасымалдағандардың төртөө жеке кәсіпкер ретінде тіркелгені, ал қалған төрт азаматтың тіпті кәсіпкерлік мәртебесі де жоқ екені анықталды.

«Жеке тұлғаларға кедендік шекара арқылы бір адамға екі смартфоннан артық тасымалдауға рұқсат етілмейді. Одан асатын тауардың барлығы міндетті түрде кедендік декларациялауға және тиісті ресімдеуге жатады», - деп ескертті Мемлекеттік кірістер комитеті өкілдері.

Қазіргі уақытта ұсталған барлық гаджеттер уақытша сақтау қоймасына орналастырылды. Заңсыз тауар кіргізбек болған азаматтарға қатысты әкімшілік жауапкершілік шаралары қолданылатын болады.