YouTube енді AI арқылы жасалған видеоға белгі қоюды талап етеді

Дүйсенбіде YouTube жаңа ереже жариялады. Енді видео жасаушылар жасанды интеллект көмегімен түсірілген бейнелерге белгі қоюы керек. Бұл көрермендерді жаңылыстыратын шынайы видеоларға қатысты.

Бейнежазбаны жүктеп салу кезінде бейнедегі сөздерді шынымен адам айтып жатқанын немесе ЖИ көмегімен жасалғанын, сондай-ақ кадрда болып жатқан нәрсені адам істеп жатқанын немесе ЖИ көмегімен жасалғанын көрсету керек. Бұл шын мәнінде болмаған ойдан құрастырылған оқиғаларға да қатысты. Бұл ақпарат кеңейтілген сипаттамада немесе бейне ойнатқыштың алдыңғы панелінде көрсетіледі.

Жүйе толыққанды жұмыс істей бастағанда, ережені үнемі бұзатындар жазаланатын болады.

Дегенмен, бұл ереже анимация, фантастикалық кейіпкерлер, кейбір арнайы эффектілер және сұлулық фильтрлері сияқты “шынайы емес екені түсінікті” видеоға қолданылмайды.