$ 493.36 € 572.84 ₽ 6.29

Су тасқынынан зардап шеккендердің зақымданған дүние-мүлкі қалай бағаланады?

Редакция
23 сәуір 2024, 08:26
Су тасқынынан зардап шеккендердің зақымданған дүние-мүлкі қалай бағаланады? Сурет авторы: Қызылжар ауданы әкімдігінің баспасөз қызметі

Солтүстік Қазақстан облысында су тасқынының зардабын Қызылжар ауданы ең көп тартты. Жергілікті әкімдіктің мәліметінше, аудан бойынша 1485 үй суға кеткен. 19 сәуірден бастап бағалаушы компания өкілдері суда қалған баспаналар мен дүние-мүлікті зерттеп, бағалап жатыр.

«Группа компаний Ак барс-Финанс» ЖШС бас директоры Мидхат Фасхутдинов бағалау жұмыстары қалай жүріп жатқанын айтып берді.

«Бүгінге дейін 100-ден астам үй қаралды. Суға кеткен баспаналарға техникалық зерттеу жүргізіп жатырмыз. Ешкім ұмыт қалмайды, бұл жұмысты тез арада аяқтауды жоспарлап отырмыз. Ең алдымен зақымданған мүлікті қарап, суретке түсіреміз. Едендерін, қабырғаларын көреміз, электрикасын қараймыз. Тұрмыстық техникаға сервис орталықтан оның істен шығып, қалпына келтіруге болмайтындығы жөнінде сервистік қорытынды керек болады. Яғни судан бүлінсе, бағалау үшін сервистік орталықтың қорытындысы қажет. Өйткені біз ондай қорытынды бере алмаймыз», – деді ол Kazinform-ға.

Соңғы жаңалықтар