Су басқан Атыраудың Жылыой ауданында 650 отбасы біржолғы әлеуметтік көмек алды

Бұл туралы Жылыой ауданы әкімінің орынбасары Гүлнафис Айшуақова мәлім етті. 

«Аудандық жұмыспен қамту, әлеуметтік бағдарламалар бөлімінің қызметкерлері су тасқынынан зардап шеккен отбасылардан түскен өтініштерді тәулік бойы өңдейді. Қазір 650-ге жуық өтініш бойынша бір реттік әлеуметтік көмек қаржысын төлеуге шешім қабылданды. Өтініші қанағаттандырылған отбасылардың есеп-шотына 100 айлық есептік көрсеткіш мөлшеріне сәйкес 369 мың 200 теңге түсті», – деді ол. 

Атырау облыстық жұмыспен қамту және әлеуметтік бағдарламалар басқармасы басшысы Азамат Мәмбетовтің айтуынша, бір реттік көмек алу үшін өтінішті 2800 отбасынан қабылдау жоспарланған.