СҚО-да су тасқынының екінші толқыны бола ма?

Солтүстік Қазақстан облысында тасқынның алғашқы толқыны өтті. Енді екінші толқын болатыны не болмайтынын облыстың Төтенше жағдайлар департаменті ақпараттық-аналитикалық тобының бас маманы Жазира Қожахметова айтып берді. 

"Су тасқынының екінші деңгейі басталып жатыр. Есіл ауданы Покровка ауылындағы су деңгейі 31 см-ге көтерілді. Осы тәулікте Петропавл қаласына екінші толқын келеді деп күтілуде. Оған сақадай саймыз. Қазгидрометтің болжауынша, екінші толқын бірінші толқын сияқты көп су әкелмейді", – деп жауап берді маман 24kz-ке.