Сауд Арабиясында қазақстандық стартаптарды қолдау үшін инновациялық хаб ашылды

Эр-Риядта Al-Farabi Innovation Hub ашылды. Ол қазақстандық жобаларға өз өнімдерін әлемдік нарыққа шығаруға көмектесетін болады, деп хабарлайды qrnews.kz тілшісі ЦДИАӨМ баспасөз қызметіне сілтеме жасап.

5 жыл ішінде мақсатты KPI – кем дегенде 3 жаңа стартапты дамыту, стартаптарға кемінде 300$ миллион тарту және осы стартаптар ұсынатын 1$ миллиардтан астам қызметті экспорттау.

Хабта стартаптар инкубация және акселерация бағдарламаларынан өте алады. Сонымен қатар, Al-Farabi Innovation Hub Tumar венчурлық қорынан бастапқы инвестицияны қамтамасыз етеді.

«Қазақстанның стартаптар әзірлеуде айтарлықтай тәжірибесі бар екенін атап өткім келеді. Мысалы, біз бес жыл бұрын Азия аймағындағы жетекші технопарктердің біріне айналған «Astana Hub» жұмысын бастадық. Google, DraperUniversity, StartX, Microsoft және Дүниежүзілік банк сияқты жаһандық серіктестерді тартып, ең озық шешімдерге жол аштық. Хабтың ашылуы Қазақстан мен Сауд Арабиясы арасындағы байланыстарды нығайтуға және экономикалық дамуға сапалы үлес қосады деп сенемін», - деді Цифрлық даму министрі Бағдат Мусин.

Айта кеткен жөн, өткен жылы Калифорнияның Пало Альто қаласында Орталық Азия елдерінің өкілдері үшін Silkroad Innovation Lab ашылды. Хаб Орталық Еуразиядан келген стартаптар мен кәсіпкерлерді Силикон алқабында және американдық нарықта өз кәсіпорындарын құру немесе кеңейту жолдарын іздеуде қолдайды. Сондай-ақ Google, DraperUniversity, StartX, Microsoft және Дүниежүзілік банк сияқты жаһандық серіктестер тартылып, азаматтар үшін ең жақсы озық шешімдерге қол жеткізуді қамтамасыз етті.