Оралда Жайықтың деңгейі қауіпті межеден асып кетті

Редакция
21 сәуір 2024, 04:52
Оралда Жайықтың деңгейі қауіпті межеден асып кетті Сурет авторы: видеодан кадр

«Қазгидромет» РМК БҚО филиалының 21 сәуір таңғы сағат 08.00-дегі мәліметіне сәйкес, Оралда Жайық өзенінің деңгейі 852 см-ге жетті.

Өзен деңгейі облыс орталығындағы гидробекетте бір тәулікте 24 сантиметрге көтеріліп, қауіпті саналатын 850 см-ден асып кетті.

Бәйтерек ауданы Январцев ауылы тұсында 902 (+3, қауіпті шегі – 1 250 см), Көшімде 833 (+29, 850 см), Тайпақта 514 (+10) сантиметрді көрсетті.

Сондай-ақ Көшім каналындағы су деңгейі 824 сантиметрге (+11, қауіпті шегі – 800 см) жетті. 

Шаған өзені деңгейі Чувашин ауылында 731 (+18, қауіпті шегі – 1 300 см) сантиметр болды.

Бәйтерек ауданы Рубежка өзені деңгейі 946 см (+3) болып, қауіпті шекке (1 мың см) жақындады.

Сондай-ақ Премьер-Министрдің орынбасары Қанат Бозымбаев Орал қаласы мен су басу қаупі бар ауылдық елді мекендерді су тасқынынан қорғау құрылыстарын тексеріп жүр.

Мұндағы жұмыстар қарқынды режимде үздіксіз жүргізілуде. Облыста су тасқынына қарсы құрылыстарды нығайту және су тасқынының салдарын жою бойынша іс-шараларға Қазақстанның басқа өңірлерінен тартылғандарды қосқанда барлығы 10 мыңнан астам адам мен 2 мыңнан астам техника жұмылдырылған.

 

Соңғы жаңалықтар