$ 509.63 € 592.34 ₽ 6.54

Оралда Жайық өзенінің деңгейі 860 см-ден асты

Редакция
22 сәуір 2024, 02:27
Оралда Жайық өзенінің деңгейі 860 см-ден асты Сурет авторы: видеодан кадр

Жайық өзеніндегі су деңгейі Оралдағы гидробекетте қауіпті саналатын 850 см-ден асып, 862 сантиметрге жетті.

«Қазгидромет» РМК БҚО филиалының 22 сәуір күнгі сағат 08.00-дегі мәліметіне сәйкес, облыс орталығында су деңгейі бір тәулікте 10 сантиметрге жоғарылады. 

Көшімде 18 сантиметрге көтеріліп, 851 сантиметрге жетті. Қауіпті шектен (850 см) 1 сантиметрге асып тұр. Ақжайық ауданы Тайпақ ауылы тұсында 521 сантиметрді (+7) көрсетті.

Су деңгейі түскен аудандар да бар. Бәйтерек ауданы Январцев ауылы тұсында Жайық өзенінің деңгейі 2 сантиметрге түсті. Мұнда қазір – 900 сантиметр (қауіпті шегі – 1 250 см). Көшім каналында да 1 сантиметрге төмендеу (823, қауіпті шегі – 800 см) байқалады.

Шаған өзені Чувашин ауылында 9 сантиметрге көтерілді (740 см, қауіпті шегі – 1 300 см).

Соңғы жаңалықтар