Мемлекеттік академиялық филармонияда "THE NOMAD'S FIRE" премьерасы өтті

26 ақпанда Е.Рахмадиев атындағы мемлекеттік академиялық филармониясы "THE NOMAD'S FIRE" жобасының премьерасын қойды. 

Өнерпаздар уақыт шекарасынан өтетін халық рухының сақшылары ретінде этно-фанк пен этно-роктың заманауи дыбысын қоса отырып, көшпенділердің музыкалық аспаптық үнін және әндерін орындады.

Концертте көне әуендермен қатар, заманауи әндер де шырқалды. 

"Көшпенділер оты" - өткен мен болашақтың арасындағы көпір. Бұл шекара мен уақыттан асатын музыканың біріктірілген көрінісі. 

Бағдарламада "ALEM" заманауи би балеті, "Сарыарқа" халық музыка ансамблі, эстрадалық әншілер, сонымен қатар Ұлттық Ұлан ән би ансамблінің әншілері, бишілері өнер көрсетті.