Қытайда ұшқышсыз басқарылатын аэротакси алғашқы жолаушысын тасыды

Жақында қытайлық AutoFlight компаниясы алғаш рет екі қала арасында ұшқышсыз басқарылатын аэротаксиіді іске қосты. Аэротакси 50 км қашықтыққа 20 минутта жетті. Дәл осы арақашықтыққа автокөлік 3 сағатта жетер еді, деп хабарлайды qrnews.kz тілшісі  3dnews.ru-ға сілтеме жасап.

Prosperity аэротаксиі Шэньчжэнь мен Чжухай арасында Қытай азаматтық авиация қызметі жіті бақылайтын аймағында ұшты. Бұл қалалар Перл өзенінің кең атырауымен бөлінген және құрлықпен жүру өте ұзақ айналма жолды қажет етеді. Әуе таксиі мұндай жерлерде саяхаттауға және құрлық жолы мүлде жоқ аралдар арасында ұшуға өте ыңғайлы. Әзірлеуші ​​компания әуе қозғалысының жаңа түрі қиын рельефпен қоршалған қалаларда сұранысқа ие болады деп күтеді.

Аэротакси төрт жолаушыны 250 км қашықтыққа сағатына 200 км жылдамдықпен жеткізуге қауқарлы. AutoFlight 2026 жылы көліктің коммерциялық ұшуларына рұқсат алуды жоспарлап отыр.

Тек Шэньчжэнь аймағында жылына 300 мыңға дейін рейс орындалмақ. Аэротакси тұрақты жолаушы тасу, жүк тасымалдау, туризм, сондай-ақ төтенше жағдайлар қызметі үшін қолданылатын болады. Компания басқа қытайлық агломерациялар бастаманы қолға алады деп күтеді.